By Published On: March 15, 2024Categories:

ᖃᓄᐃᓕᖓᖕᒪᖔᑦ

ᑐᑦᑕᕐᕕᒃᑯᑦ, ᐱᓕᕆᖃᑎᒋᔭᐅᔪᒪᓚᐅᕐᒪᑕ ᑖᒃᑯᓄᖓ Compugen-ᑯᓐᓄᑦ ᐱᔨᑦᓯᕈᑎᖃᖁᓪᓗᒋᑦ ᖃᕆᑕᐅᔭᓕᕆᓂᕐᒧᑦ ᓄᓇᓕᖕᓂ ᐅᖓᓯᖕᓂᖅᓴᓂ ᑲᓇᑕᑉ ᐅᑭᐅᖅᑕᖅᑐᖓᓂ. ᐊᒃᓱᕈᕐᓇᕋᓗᐊᖅᑎᓪᓗᒍ ᐸᕐᓇᐃᓂᖅ ᐊᒻᒪᓗ ᓯᓚ, ᑐᑦᑕᕐᕕᒃᑯᑦ ᐋᖅᑭᒃᓱᐃᑦᑎᐊᕐᓂᖃᓚᐅᖅᑐᑦ, ᐱᔨᑦᓯᕈᑎᒃᓴᒥᖕᓂᒃ ᐱᔨᑦᓯᕈᑎᖃᓚᐅᖅᑐᑦ ᐊᖑᒻᒪᑎᑦᑎᐊᖅᖢᑎᒃ ᓂᕆᐅᒋᔭᖏᓐᓂᒃ Compugen-ᑯᑦ.

ᐊᒃᓱᕈᕐᓇᕐᓂᖓ

ᐊᒃᓱᕈᕐᓇᕐᓂᕆᓪᓗᐊᑕᖅᑕᖓ ᐊᑐᐃᓐᓇᐅᑎᑦᑎᓪᓗᓂ ᓱᒃᑲᔪᓂᒃ ᐱᐅᔪᓂᒃ ᖃᕆᑕᐅᔭᓕᕆᓂᕐᒧᑦ ᐱᔨᑦᓯᕈᑎᔪᑦ ᐅᖓᓯᒃᑐᓄᑦ ᓄᓇᓕᐅᔪᓄᑦ ᐊᒻᒪ ᐅᐸᒐᕐᓂᖏᑦᑐᓄᑦ ᓄᓇᓂ ᐱᓕᕆᐊᖃᕋᓱᒃᑎᓪᓗᒋᑦ ᐅᓄᕐᓂᖅᓴᐅᔪᓂᒃ. ᐅᖓᓯᖕᓂᕆᔭᖏᑦ ᓄᓇᐃᑦ ᑐᑭᖃᖅᑐᖅ ᐸᕐᓇᐃᓂᕐᒧᑦ ᐱᔭᕐᓂᓚᐅᖏᓐᓂᖓᓂᒃ, ᐊᑦᑕᕐᓇᕐᓂᖃᖅᖢᑎᒡᓗ ᐊᑭᑐᓂᐊᕐᓂᖓᓂᒃ ᐊᒻᒪ ᐳᓛᕆᐊᒃᑲᓐᓂᕆᐊᖃᕐᓂᖏᓐᓂᒃ. ᐊᒃᓱᕈᕐᓇᓚᐅᖅᑐᖅ ᐱᐅᑦᑎᐊᖅᑐᓂᒃ ᐱᔨᑦᓯᕈᑎᖃᕆᐊᒃᓴᖅ ᕿᓚᒥᑯᓗᒃ ᐱᔭᕇᕆᐊᖃᖅᑎᓪᓗᒋᑦ, ᖃᕆᑕᐅᔭᓕᕆᓂᕐᒧᑦ ᐱᔨᑦᓯᖅᑎᐅᔪᑦ ᐊᐅᓪᓚᖃᑦᑕᕆᐊᖃᓚᐅᖅᑐᑦ ᖃᖓᑕᓲᒃᑯᑦ ᓵᑕᖅᑕᐅᓯᒪᔪᒃᑯᑦ ᐱᔭᕇᕋᖓᑕ ᐱᓕᕆᐊᒃᓴᕆᔭᖏᑦ.

ᐋᖅᑮᓂᖅ

ᑐᑦᑕᕐᕕᒃᑯᑦ ᐋᖅᑭᒡᓱᐃᓂᕆᕙᒃᑕᖏᑦ ᐊᐅᓪᓚᖅᑎᑦᑎᓪᓗᑎᒃ ᐃᖅᑲᓇᐃᔭᖅᑎᖏᓐᓂᒃ ᖃᕆᑕᐅᔭᓕᕆᔨᓂᒃ ᐱᓕᕆᔪᓐᓇᒻᒪᕆᒃᑐᓂᒃ ᑖᒃᑯᐊ ᑕᑯᒃᓴᐅᑎᑦᑎᓚᐅᖅᑐᑦ ᐱᓕᕆᔪᓐᓇᑦᑎᐊᕐᓂᖏᓐᓂᒃ ᐊᒻᒪ ᐱᓕᕆᓕᒪᓪᓗᑎᒃ. ᑖᒃᑯᐊ ᖃᕆᑕᐅᔭᓕᕆᔨᐅᔪᑦ ᐸᕐᓇᒃᓯᒪᑦᑎᐊᓚᐅᖅᑐᑦ ᐱᓕᕆᐊᕆᔭᕆᐊᖃᖅᑕᖏᓐᓂᒃ ᐱᓕᕆᓪᓗᑎᒃ, ᐱᔭᕇᖅᑕᐅᔪᐃᓐᓇᐅᓪᓗᑎᒃ ᐃᖅᑲᓇᐃᔭᕐᕕᐅᔪᓂ ᐱᓕᕆᔭᐅᔪᑦ ᐱᐅᑦᑎᐊᖅᑐᓂᒃ ᐊᔾᔨᒌᓕᖅᑕᐅᓯᒪᔪᓂᒃ ᒪᓕᒐᕐᓂᒃ ᐊᑐᖅᖢᑎᒃ ᐱᒋᐊᕐᓂᖓᓂ ᐱᓕᕆᓕᓵᖅᑎᓪᓗᒋᑦ. ᑕᒪᑐᒥᖓ ᐱᓕᕆᐊᖃᖅᑎᓪᓗᒋᑦ ᓯᕗᒧᐊᑦᑎᐊᕐᓂᖓᑦ ᐱᒻᒪᕿᐅᓚᐅᖅᑐᖅ ᐊᑭᑐᓗᐊᖁᓇᒍ ᐱᓕᕆᔭᖓᑦ ᐊᒻᒪ ᐊᑯᓂᐅᓗᐊᖁᓇᒋᑦ ᐳᓚᕋᒃᑲᓐᓂᕆᐊᖃᕐᓂᕆᔭᖏᑦ.

ᐅᔾᔨᕐᓇᕐᓂᖅᐹᖑᔪᖅ ᑐᑦᑕᕐᕕᒃᑯᑦ ᐱᓕᕆᐊᖓᓐᓂ ᓱᖏᐅᑎᓴᕋᐃᓐᓂᕆᔭᖏᑦ. ᐱᓕᕆᐊᖃᖅᑎᓪᓗᒋᑦ ᐅᓄᑲᓪᓚᒃᑐᓂᒃ ᓂᕆᐅᒋᔭᐅᖏᑦᑐᓂᒃ ᐊᓯᔾᔨᖅᑐᖃᖃᑦᑕᓚᐅᕐᒪᑦ, ᕿᓚᒥᑯᓗᒃ ᐋᖅᑭᒡᑕᐅᔭᕆᐊᖃᖅᐸᒡᖢᑎᒃ. ᑐᑦᑕᕐᕕᒃᑯᑦ ᐊᐅᓚᑦᑎᔨᖏᑦ ᐊᒻᒪ ᖃᕆᑕᐅᔭᓕᕆᔨᖏᑦ ᑕᑯᒃᓴᐅᑎᑦᑎᓚᐅᖅᑐᑦ ᐱᓕᕆᐊᖃᖅᑎᓪᓗᒋᑦ ᐊᓯᔾᔨᕆᐊᖃᓕᕌᖓᑕ ᐊᓯᔾᔨᖅᓴᕋᐃᓐᓂᕆᔭᖏᓐᓂᒃ ᐊᒻᒪ ᐋᖅᑭᒡᓱᐃᔪᓐᓇᕐᓂᕆᔭᖏᓐᓂᒃ ᐃᓱᒪᒐᔪᒡᓗᑎᒃ, ᐊᑐᓕᖅᑎᑦᑎᖃᑦᑕᓚᐅᖅᑐᑦ ᐅᐸᓗᖓᐃᔭᐅᑎᓂᒃ ᐸᕐᓇᐅᑎᓂᒃ ᐊᒻᒪ ᐊᐅᓚᓂᕆᔭᖏᑦ ᐊᖑᒻᒪᑎᓕᖅᑎᑕᐅᖃᑦᑕᓚᐅᖅᑐᑦ ᐊᓯᔾᔨᖅᐸᓪᓕᐊᑎᓪᓗᒋᑦ ᐱᓕᕆᐊᕆᔭᐅᔪᑦ ᐱᔨᑦᓯᕈᑕᐅᔪᑦ ᓱᕐᕋᖏᓪᓗᑎᒃ ᐅᕝᕙᓘᓐᓃᑦ ᐃᓱᓕᑦᑕᕐᕕᓕᐊᖑᓯᒪᔪᑦ ᑭᖑᕙᖅᓯᒪᓇᑎᒃ.

  • ᑐᑦᑕᕐᕕᒃᑯᑦ ᖃᕆᑕᐅᔭᓕᕆᔨᑦ ᓯᕗᒧᐊᒃᑎᑦᑎᖃᑦᑕᖅᑐᑦ ᖃᕆᑕᐅᔭᓕᕆᓂᕐᒧᑦ ᐱᔨᑦᓯᕈᑎᑦ ᐱᔨᑦᓯᕈᑕᐅᖁᓪᓗᒋᑦ ᐱᐅᑦᑎᐊᕐᓗᑎᒃ ᐱᑦᑎᐊᕐᓗᑎᒡᓗ ᐃᑲᔪᕐᓂᖃᑦᑎᐊᕐᓗᑎᒃ ᐱᓕᕆᐊᖑᔪᖅ ᓯᕗᒧᐊᑦᑎᐊᖁᓪᓗᒍ.

  • ᑐᑦᑕᕐᕕᒃᑯᑦ ᐊᑐᓕᖅᑎᑦᑎᔪᓐᓇᕐᓂᖏᑦ ᐊᓯᔾᔨᖅᑕᐅᔪᓄᑦ ᐊᒻᒪᓗ ᐱᔭᕇᕈᓐᓇᕐᓂᕆᔭᖏᑦ ᐊᒃᓱᕈᕐᓇᕋᓗᐊᖅᑎᓪᓗᒋᑦ ᐸᕐᓇᐃᓂᕐᒧᑦ ᐅᖓᓯᒃᑐᒥ ᐱᓕᕆᔭᕆᐊᖃᖅᑎᓪᓗᒋᑦ ᑕᒪᒃᑯᐊ ᐊᑑᑎᖃᒻᒪᕆᓚᐅᖅᑐᑦ ᐱᓕᕆᐊᕆᔭᕆᐊᖃᖅᑕᖏᑦ ᐱᔭᕇᖅᑕᐅᔪᓐᓇᖁᓪᓗᒋᑦ ᐊᖑᒻᒪᑎᓗᑎᒃ ᐃᓱᓕᕝᕕᒃᓴᖏᓐᓄᑦ ᐊᒻᒪ ᐊᔾᔨᒌᓕᖅᑎᑕᐅᓯᒪᔪᓄᑦ ᒪᓕᒐᕐᓄᑦ ᐊᖑᒻᒪᑎᓪᓗᑎᒃ.

  • ᑐᑦᑕᕐᕕᒃᑯᑦ ᑕᑯᒃᓴᐅᑎᑦᓯᓚᐅᖅᑐᑦ ᑕᑎᒋᔭᐅᔪᓐᓇᑦᑎᐊᕐᓂᖏᓐᓂᒃ ᐱᓕᕆᖃᑎᒋᔭᖏᓐᓄᑦ, ᐊᖏᖅᓯᒪᑦᑎᐊᖅᖢᑎᒃ ᐱᐅᔪᓂᒃ ᐱᓕᕆᐊᖃᕐᓂᐊᕐᓂᖕᒥᓂᒃ ᐅᖓᑖᓄᑦ

  • ᑐᙵᕕᒋᓪᓗᒋᑦ ᓯᕗᒧᐊᑦᑎᐊᕐᓂᕆᔭᖏᑦ ᐱᓕᕆᐊᖑᔪᑦ ᑖᒃᑯᐊ, Compugen-ᑯᑦ ᑕᑎᖃᖅᓯᒪᔪᑦ ᑐᑦᑕᕐᕕᒃᑯᓐᓂᒃ ᐅᓪᓗᕐᒥ ᐱᖃᑖᓂ ᐊᐅᓚᑦᑎᓂᕐᒧᑦ ᐃᑲᔪᖅᑐᐃᓪᓗᑎᒃ ᐅᖄᓚᖃᑦᑕᓚᐅᖅᑐᑦ, ᑕᑎᒋᔭᒃᓴᑦᑎᐊᕙᐅᓂᕆᔭᖏᓐᓂᒃ ᐅᒃᐱᕆᔭᒃᓴᑦᑎᐊᕙᐅᓂᖏᓐᓂᒡᓗ ᑐᑦᑕᕐᕕᒃᑯᑦ ᐊᔪᖏᓐᓂᕆᔭᖏᑦ ᑕᑎᒋᔭᐅᓪᓗᑎᒃ

Passionate - Dedicated - Professional

Recently completed projects