By Published On: March 15, 2024Categories:

ᖃᓄᐃᓕᖓᖕᒪᖔᑕ

ᑐᑦᑕᕐᕕᒃ ᑎᒥᖓᑦ ᐅᐊᔭᒨᖏᑦᑐᒃᑰᖅᑎᑦᓯᔨᑦ Ice Wireless-ᑯᑦ ᐱᓕᕆᖃᑎᖃᕈᒪᓚᐅᕐᒪᑕ, ᑖᒃᑯᐊ 4G LTE ᐅᖄᓚᐅᑎᕋᓛᓄᑦ ᐱᑐᒃᓯᔨᐅᔪᓄᑦ ᐊᐅᓚᑦᑎᔨᐅᔪᑦ ᐊᒻᒪᓗ ᖃᕆᑕᐅᔭᐅᑉ ᐱᑐᒍᑎᖏᓐᓄᑦ ᐱᔨᑦᓯᖅᑎᐅᔪᑦ ᐃᖃᓗᐃᑦ, ᓄᓇᕗᒥ, ᐱᑐᐃᓐᓇᐅᖏᑦᑐᒃᑯᑦ ᖃᕆᑕᐅᔭᓕᕆᓂᕐᒧᑦ ᐃᑲᔪᖅᑐᐃᓪᓗᑎᒃ ᐱᔨᑦᓯᕈᑎᖃᖅᑐᑦ. ᑖᒃᑯᐊ ᑕᐱᕇᓕᖅᓯᒪᓪᓗᑎᒃ ᐱᓕᕆᔪᑦ ᐃᔨᒋᓂᖅᓴᐅᓪᓗᑎᒃ ᐊᐅᓚᑦᑎᐊᕆᐊᖃᕐᓂᖏᓐᓂᒃ ᐊᒻᒪ ᑕᑎᑦᑎᖃᕙᐅᓂᖏᓐᓄᑦ Ice Wireless ᖃᕆᑕᐅᔭᒃᑯᑦ ᓄᐊᑦᑎᕕᖓᑦ ᐊᒻᒪᓗ ᐅᐊᔭᒨᖏᑦᑐᒃᑯᑦ ᐱᑐᒡᕕᖃᖅᑐᑦ, ᐱᒻᒪᕆᐅᔪᓂᒃ ᐃᓗᓕᖃᖅᑐᑦ ᐊᐅᓚᐅᑎᒋᔭᖏᑦ ᐅᑭᐅᖅᑕᖅᑐᕐᒥ.

ᐊᒃᓱᕈᕐᓇᕐᓂᖓ

ᐊᔾᔨᐅᖏᑦᑐᓂᒃ ᐊᒃᓱᕈᕐᓇᖅᑐᖃᖅᑐᖅ ᐊᐅᓚᑦᑎᓪᓗᓂ ᐃᖃᓗᖕᓂ ᓯᓚᐅᑉ ᓂᒡᓚᓱᖕᓂᖓ, ᐅᖓᓯᒃᑑᑕᐅᓪᓗᑎᒡᓗ, ᐊᒻᒪ ᑕᑎᒋᔭᐅᔪᓐᓇᑦᑎᐊᖅᑐᒥᒃ ᖃᕆᑕᐅᔭᓕᕆᔾᔪᑎᑦ ᐊᐅᓚᐅᑎᖃᕆᐊᖃᕐᒪᑕ. ᑖᒃᑯᐊ ᐅᐊᔭᖃᖏᑦᑐᒃᑯᑦ ᐱᑐᒃᓯᔨᐅᔪᑦ Ice Wireless-ᑯᑦ ᐊᑐᕆᐊᖃᓚᐅᕐᒪᑕ ᖃᐅᔨᒪᑦᑎᐊᖅᑐᓂᒃ ᖃᕆᓴᐅᔭᓕᕆᔨᐅᔪᓂᒃ ᓄᖅᑲᑲᑕᖏᓪᓗᑎᒃ ᐱᑐᒃᓯᒪᓂᕆᔭᖏᑦ ᐊᒻᒪ ᖃᕆᑕᐅᔭᐅᑉ ᐊᐅᓚᐅᑎᖏᑦ ᐊᐅᓚᐃᓐᓇᕈᓐᓇᕐᓗᑎᒃ ᓄᖅᑲᖅᑕᖏᓪᓗᑎᒃ, ᐱᒻᒪᕆᐅᔪᖅ ᐱᑐᒃᓯᒪᐃᓐᓇᖃᑦᑕᕆᐊᖃᕐᓂᕆᔭᖏᑦ ᐊᒃᓱᕈᕐᓇᖅᑎᓪᓗᒍ ᓯᓚ.

ᐋᖅᑭᒋᐊᕈᑎᖏᑦ

ᑐᑦᑕᕐᕕᒃ ᑎᒥᖁᑎᖓᑦ ᐱᔨᑦᓯᕈᑎᖃᖅᓯᒪᕗᖅ ᐃᓗᐃᑦᑑᓈᖅᓯᒪᔪᓂᒃ ᖃᕆᑕᐅᔭᓕᕆᓂᕐᒧᑦ ᐱᔨᑦᓯᕈᑎᓂᒃ, ᑕᑯᒃᓴᐅᑎᑦᓯᑎᓪᓗᑎᒃ ᐱᓕᕆᔪᓐᓇᑦᑎᐊᕐᓂᕆᔭᖏᓐᓂᒃ ᖃᐅᔨᒪᑦᑎᐊᖅᖢᑎᒃ ᐅᓄᑲᓪᓚᒃᑐᓂᒃ ᐱᓕᕆᐊᖃᖅᑐᑦ:

  • ᖃᕆᑕᐅᔭᓕᕆᓂᕐᒧᑦ ᐊᐅᓚᐅᑎᖏᓐᓂᒃ ᖃᐅᔨᒪᓂᖃᖅᑐᑦ: ᑐᑦᑕᕐᕕᒃᑯᑦ ᐊᑐᐃᓐᓇᐅᑎᑦᓯᓪᓗᑎᒃ ᐱᑐᐃᓐᓇᐅᖏᑦᑐᓂᒃ ᐊᐅᓚᐅᑎᐅᔪᓄᑦ ᐱᓕᕆᔾᔪᑎᓄᑦ ᐱᔨᑦᓯᕈᑎᖃᖅᑐᑦ, ᐊᐅᓚᓂᖃᑦᑎᐊᖁᓪᓗᒋᑦ ᐱᑐᒍᑎᖏᑦ ᐅᐊᔭᖃᖏᑦᑐᒃᑯᑦ Ice Wireless ᖃᕆᑕᐅᔭᒃᑯᑦ ᑐᓴᒐᒃᓴᑦ ᓄᐊᓯᒪᕕᐊᓂ ᐊᒻᒪ ᐋᖅᑭᐅᒪᐃᓐᓇᖅᑎᑕᐅᓪᓗᓂ ᐊᑐᖅᑕᐅᖏᓐᓇᖁᓪᓗᒋᑦ ᐅᐊᔭᖃᖏᑦᑐᒃᑯᑦ ᐱᑐᒡᕕᖁᑎᒋᔭᐅᔪᑦ.
  • ᖃᕆᑕᐅᔭᐅᑉ ᐱᑐᒡᕕᖓᓄᑦ ᐊᐅᓚᑦᑎᔾᔪᑎ ᐊᒻᒪ ᐊᑦᑕᓇᔾᔭᐃᖅᓯᒪᓂᖅ: ᐃᖅᑲᓇᐃᔭᖅᑎᖁᑎᖏᑦ ᑕᑯᒃᓴᐅᑎᑦᓯᓚᐅᖅᑐᑦ ᐊᒃᓱᐊᓗᒃ ᖃᐅᔨᒪᓂᕆᔭᖏᓐᓂᒃ ᖃᕆᑕᐅᔭᐅᑉ ᐱᑐᒡᕕᖏᓐᓄᑦ ᐊᐅᓚᑦᑎᔾᔪᑎᓄᑦ ᐊᒻᒪ ᐊᑦᑕᓇᔾᔭᐃᖅᓯᒪᔾᔪᑎᖏᓐᓂᒃ, ᐊᑐᓕᖅᑎᑦᑎᓪᓗᑎᒃ ᐆᒻᒪᕆᒃᑐᓂᒃ ᒪᓕᒐᐅᔪᓂᒃ ᐱᐅᓯᒋᐊᖅᑕᖁᓪᓗᒍ ᑕᑎᒋᔭᐅᔪᓐᓇᕐᓂᖓ ᓄᖅᑲᖅᑕᖏᓪᓗᓂ ᐱᑐᒡᕕᐅᔪᖅ ᐊᒻᒪᓗ ᓴᐳᒻᒥᔭᐅᑦᑎᐊᕐᓗᓂ ᐃᓵᖅᑕᐅᖁᓇᒍ.
  • ᓇᔪᖅᑕᐅᔪᒥ ᐃᑲᔪᖅᑐᐃᓂᖅ: ᑐᑦᑕᕐᕕᒃᑯᑦ ᓇᔪᖅᑕᐅᔪᓂ ᐃᑲᔪᖅᑐᐃᔾᔪᑎᖃᖅᐸᒃᑐᑦ ᐱᒻᒪᕆᐅᔪᒥᒃ ᐱᓕᕆᐊᖃᖅᐸᒃᑐᑦ ᐊᑯᓂ ᐱᑐᒃᓯᒪᐅᑎᖏᑦ ᓄᖅᑲᖔᕐᓂᐊᖏᒻᒪᑕ ᐊᒻᒪ ᓯᕗᒧᐊᒃᑎᑦᑎᖃᑦᑕᖅᑐᑦ ᐃᓱᒫᓗᖕᓇᖅᑐᑦ ᓴᖅᑭᑦᑐᑦ ᑭᐅᔭᐅᑦᓴᐅᑎᒋᖁᓪᓗᒋᑦ, ᑕᐃᒪᐃᓕᖓᑎᓪᓗᒋᑦ ᖁᕝᕙᓯᒃᑐᒻᒪᕆᒃᑯᑦ ᐱᔨᑦᓯᕈᑎᖏᑦ ᐱᓕᕆᔭᐅᒋᐊᖃᕐᓂᖏᑦ ᒪᓕᒐᖃᖅᑐᑦ ᐊᒻᒪ ᐊᑐᖅᑎᐅᔪᑦ ᓈᒻᒪᒃᓴᑦᑎᐊᕐᓗᑎᒃ ᖁᕕᐊᓱᖁᓪᓗᒋᑦ.
  • ᐱᐅᓯᒋᐊᖅᑕᐅᓯᒪᓪᓗᓂ ᖃᕆᑕᐅᔭᐅᑉ ᐱᑐᒃᓯᒪᐅᑎᖏᓐᓄᑦ ᑕᑎᒋᔭᐅᔪᓐᓇᕐᓂᕆᔭᖓᑦ: ᐊᑐᕐᓗᑎᒃ ᖃᐅᔨᒪᑦᑎᐊᖅᑐᓂᒃ ᖃᕆᑕᐅᔭᒧᑦ ᐱᑐᓯᒃᒪᐅᑎᖏᓐᓄᑦ ᐊᑦᑕᓇᔾᔭᐃᖅᓯᒪᔾᔪᑎᓂᒃ ᐊᒻᒪ ᐊᐅᓚᐅᑎᖏᓐᓂᒃ ᐊᐅᓚᑦᑎᓂᕐᒥᒃ, ᑐᑦᑕᕐᕕᒃᑯᑦ ᐱᐅᓯᒋᐊᖅᓯᓯᒪᒻᒪᕆᒃᐳᑦ ᑕᑎᒋᔭᐅᑦᑎᐊᕈᓐᓇᕐᓂᕆᔭᖓᓂᒃ Ice Wireless ᐱᑐᒡᕕᖁᑎᖏᑕ ᐊᐅᓚᐅᑎᖏᓐᓄᑦ.

  • ᐱᑐᒍᓐᓇᐃᓪᓕᐅᖅᑲᓂᖏᑕ ᕿᓚᒻᒥᐅᓂᖅᓴᖅ ᐋᖅᑭᒃᓯᒪᖁᓪᓗᒍ: ᓴᓇᖃᑦᑕᕐᓂᕆᔭᖏᑦ ᓇᔪᖅᑕᐅᔪᒥ ᐃᑲᔪᖅᑐᐃᓪᓗᑎᒃ ᐃᓱᒫᓗᒍᑎᒃᓴᖏᑦ ᐱᔨᑦᓯᖅᑕᖏᑕ ᐋᖅᑭᑕᐅᑦᓴᐅᑎᒋᕙᒃᑐᑦ ᐊᒻᒪ ᖃᕆᑕᐅᔭᓂᒃ ᐊᑐᖅᑎᐅᔪᑦ ᓄᖅᑲᖅᑕᖏᑦᑐᓂᒃ ᐱᑐᒃᓯᒪᐅᑎᖃᖅᑎᑕᐅᕙᒃᑐᑦ ᐱᐅᓯᒋᐊᖅᑎᓯᒪᔪᓂᒃ.

  • ᐊᐅᓚᑕᐅᔪᑦ ᐊᐅᓚᑦᑎᐊᕐᓂᖏᑦ: ᑐᑦᑕᕐᕕᒃᑯᑦ ᐃᑲᔪᖅᓯᓯᒪᓂᖓᑦ ᐱᒻᒪᕆᐅᕗᖅ ᐊᐅᓚᑦᑎᐊᖁᓪᓗᒋᑦ ᐅᐊᔭᒨᖏᑦᑐᖅ ᐱᑐᒍᑎᑦ ᓄᐊᑦᑎᕕᖓᓐᓂ ᐊᒻᒪ ᓱᒃᑲᓂᖅᓴᒥᒃ ᐱᔨᑦᓯᖅᑕᐅᖃᑦᑕᖅᑐᑦ.

Passionate - Dedicated - Professional

Recently completed projects