ᐊᒃᓱᕈᕈᑎᖃᖅᑐᑦᐊᖏᖅᓯᒪᑦᑎᐊᖅᑐᑦᐱᓕᕆᔨᒻᒪᕇᑦ

ᑭᓲᖕᒪᑦ ᖃᐅᒪᔨᑕᖅ?

ᖃᕆᓴᐅᔭᓕᕆᓂᕐᒧᑦ ᖃᐅᔨᒪᔨᑕᐅᔪᖅ ᐱᓕᕆᔪᓐᓇᑦᑎᐊᖅᑐᖅ ᖃᐅᔨᒪᓂᕆᔭᓂ ᐊᑐᕐᓗᒍ ᐅᖃᐅᔾᔨᖏᐊᕈᓐᓇᖅᑐᖅ, ᑕᓯᐅᖅᓯᓗᓂ, ᐊᒻᒪ ᐋᖅᑭᒃᓯᓗᓂ ᐊᑲᐅᓕᐅᕈᙱᑎᓂᒃ ᑐᓴᒐᒃᓴᓂᒃ ᖃᕆᓴᐅᔭᒃᑯᑦ ᐃᑲᔪᖅᑐᐃᔾᔪᑎᒃᓴᓂᒃ ᑎᒥᐅᔪᓄᑦ ᐱᐅᓯᒋᐊᖅᑕᐅᖁᓪᓗᒋᑦ ᐱᔅᓇᔅᖓᑕ ᐊᐅᓚᓂᕆᔭᖓ, ᐱᕚᓪᓕᖁᓪᓗᒍ ᓱᒃᑲᓂᕆᔭᖓ ᐱᓕᕆᐊᖏᑕ, ᐊᒻᒪ ᑎᑭᐅᑎᔪᓐᓇᕐᓗᑎᒃ ᑐᕌᒐᒃᓴᕆᔭᖏᓐᓄᑦ ᐸᕐᓇᐅᑎᓄᑦ. ᖃᓂᒋᓪᓗᒋᑦ ᐃᖅᑲᓇᐃᔭᖃᑎᖃᖃᑦᑕᖅᑐᑦ ᐱᔨᑦᓯᖅᑕᖏᓐᓂᒃ ᑐᒃᑭᓯᑦᑎᐊᖁᓪᓗᒋᑦ ᖃᕆᓴᐅᔭᓄᑦ ᑭᓱᓂᒃ ᑭᙴᒪᒃᓯᕐᒪᖔᑕ, ᑭᓱᓂᒡᓗ ᐊᒃᓱᕈᕈᑎᖃᕐᒪᖔᑕ, ᑭᓱᓂᒡᓗ ᓯᕗᓪᓕᐅᔾᔨᖕᒪᖔᑕ, ᑕᐃᒪ ᐸᕐᓇᒃᑕᐅᓕᕐᓂᐊᕐᒪᑕ ᖃᓄᐃᓕᖓᓂᕆᓂᐊᖅᑕᖓᓄᑦ ᐋᖅᑭᒃᓯᒪᓂᐅᓂᐊᖅᑐᖅ ᐊᒻᒪ ᐊᑐᓕᖅᑎᑕᐅᓗᓂ ᖃᕆᓴᐅᔭᒃᑯᑦ ᐋᖅᑭᒋᐊᕈᑎᐅᔪᑦ ᐃᓕᖅᑭᒃᑎᑕᐅᓯᒪᓪᓗᑎᒃ ᓇᖕᒥᓂᕆᔭᐅᔪᒧᑦ ᑕᐅᑐᙳᐊᖅᑕᐅᔪᑦ ᐊᒻᒪ ᐊᑐᕆᐊᖃᖅᑕᖏᑦ. ᖃᕆᓴᐅᔭᓕᕆᔨᑦ ᖃᐅᔨᒪᔨᑕᐅᔪᑦ ᐊᔪᖏᓐᓂᖃᖅᑐᑦ ᐊᔾᔨᒌᖏᑦᑐᓂᒃ ᐱᓕᕆᐊᖃᕐᓂᕐᒥᒃ ᖃᕆᓴᐅᔭᓂᒃ ᐊᒻᒪ ᖃᐅᔨᒪᓂᖃᑦᑎᐊᖅᑐᑦ, ᐱᖃᓯᐅᑎᓪᓗᒋᑦ ᖃᕆᓴᐅᔭᐃᑦ ᐊᐅᓚᐅᑎᐊᓗᒋᑦ ᐱᑐᒍᑎᖏᑦ, ᐃᑭᐊᖅᑭᕕᐅᑉ ᓴᐳᒻᒥᔭᐅᓂᕆᔭᖓ, ᐊᑐᕐᓗᑎᒡᓗ cloud ᖃᕆᓴᐅᔭᓕᕆᔾᔪᑎᒥᒃ, ᓂᐱᒃᓴᔭᖓᓂᒃ ᓴᓇᖃᒃᑕᕐᓗᑎᒃ, ᐊᒻᒪ ᖃᕆᓴᐅᔭᒃᑯᑦ ᑐᓴᒐᒃᓴᐅᔪᑦ ᓄᐊᑕᐅᔪᑦ ᒥᐊᓂᕆᔭᐅᓗᑎᒃ. ᐃᓕᓐᓂᐊᖅᑎᑦᑎᖃᑦᑕᕐᒥᔪᑦ ᐅᓪᓗᒥᓯᐅᑎᓂᒃ ᐊᑐᖅᑕᐅᓕᖅᑐᓂᒃ ᐅᐊᔭᒨᖅᑐᓂᒃ ᐊᓯᔾᔨᖅᐸᓪᓕᐊᔪᓂᒃ ᐊᒻᒪ ᐃᓱᒪᒐᔪᒃᑐᓂᒃ ᑐᓂᓯᖃᑦᑕᖅᑐᑦ ᓯᕗᒧᐊᑦᑎᐊᖁᓪᓗᒋᑦ ᓇᖕᒥᓂᕆᔭᖏᑦ ᐊᑭᑦᑐᕋᐅᑎᖃᑕᐅᔪᓐᓇᕐᓂᐊᕐᒪᑦ ᐊᒻᒪ ᑎᒍᓯᖃᑕᐅᔪᓐᓇᕐᓂᐊᕐᒪᑦ ᓱᒃᑲᔪᒃᑯᑦ ᐊᓯᔾᔨᖅᐸᓪᓕᐊᖃᑦᑕᖅᑎᓪᓗᒋᑦ ᖃᕆᓴᐅᔭᒐᓚᐃᑦ. ᐱᓕᕆᖃᓯᐅᔾᔨᔪᑦ ᐱᓕᕆᐊᓂᒃ ᐊᐅᓚᑦᑎᓂᕐᒥᒃ, ᐊᐅᓚᑦᑎᔾᔪᑎᓂᒃ ᐱᖃᓯᐅᔾᔨᓂᕐᒥᒃ, ᐱᓕᒻᒪᒃᓴᐃᓂᕐᒥᒃ ᐃᖅᑲᓇᐃᔭᖅᑎᓂᒃ ᖃᕆᓴᐅᔭᓂᒃ ᓄᑖᓂᒃ ᐊᑐᕐᓂᕐᒥᒃ, ᐊᒻᒪ ᑲᔪᓯᔪᒃᑯᑦ ᐃᑲᔪᖅᑐᐃᖃᑦᑕᖅᑐᑦ ᐊᒻᒪ ᐸᕐᓇᐅᑎᓄᑦ ᐅᖃᐅᔾᔨᒋᐊᖃᑦᑕᖅᑐᑦ ᓯᕕᑐᔪᒧᑦ ᓯᕗᒧᐊᑦᑎᐊᖁᓪᓗᒋᑦ ᖃᕆᓴᐅᔭᒃᑯᑦ ᐱᓕᕆᓂᕆᔭᖏᑦ ᐊᑐᓕᖅᑎᑕᐅᖁᓪᓗᒋᑦ.

ᑐᙵᕕᒋᔭᖓᑦ ᐊᑐᖅᑕᐅᓪᓗᓂ ᐱᖓᓲᓕᖅᑲᖓᔪᑎᒍᑦ ᐱᓕᕆᐊᖃᖃᑦᑕᖅᑐᑦ ᓴᓇᑎᓪᓗᒋᑦ ᐊᒻᒪᓗ ᐊᑐᓕᖅᑎᑦᑎᑎᓪᓗᒋᑦ ᐸᕐᓇᐅᑎᓂᒃ.

ᐊᒃᓱᕈᕈᑎᖃᖅᑐᑦᐊᖏᖅᓯᒪᑦᑎᐊᖅᑐᑦᐱᓕᕆᔨᒻᒪᕇᑦ

ᐃᖅᑲᓇᐃᔭᖃᑎᒌᒃᑐᑦ ᐊᑕᐅᓯᕐᒥᒃ ᑐᕌᒐᒃᓴᖃᕐᖢᑎᒃ.

ᐋᖅᑭᒃᓱᐃᖃᑦᑕᖅᑐᒍᑦ ᐋᖅᑭᒋᐊᕈᑎᒃᓴᓂᒃ ᐊᖑᒻᒪᑎᓕᖁᓪᓗᒋᑦ ᐊᔾᔨᐅᖏᑦᑐᒃᑯᑦ ᐊᑐᕆᐊᖃᖅᑕᑎᑦ.

ᖃᕆᓴᐅᔭᒃᑯᑦ ᐊᖅᑯᓯᐅᕐᓂᖅ

ᓴᓇᓗᑎᒃ ᐅᐸᓗᖓᐃᔭᐅᑎᒃᓴᓂᒃ ᐸᕐᓇᐅᑎᓂᒃ ᓇᓗᓇᐃᖅᓯᓯᒪᔪᑦ ᖃᓄᖅ ᖃᕆᓴᐅᔭᑦ ᐊᑐᖅᑕᐅᔪᓐᓇᕐᒪᖔᑕ ᐊᖑᒻᒪᑎᓕᖁᓪᓗᒋᑦ ᓇᖕᒥᓂᕆᔭᕐᓄᑦ ᑐᕌᒐᒃᓴᕆᔭᖏᑦ ᓇᓗᓇᐃᖅᑕᐅᓯᒪᓗᓂ ᐱᔭᕇᖅᑕᐅᕕᒃᓴᖓ. ᑖᒃᑯᐊ ᐱᖃᓯᐅᔾᔨᓯᒪᔪᑦ ᓇᓗᓇᐃᖅᓯᖃᑦᑕᕐᓂᕐᒥᒃ ᓄᑖᓂᒃ ᖃᕆᓴᐅᔭᓂᒃ ᐊᑐᖅᑕᐅᓕᕈᓐᓇᖅᑐᓂᒃ, ᖃᖓᒃᑯᓪᓗ ᓄᑖᕈᕆᐊᖅᑕᐅᔪᓐᓇᕐᒪᖔᑕ, ᐊᒻᒪ ᐲᔭᐃᕙᓪᓕᐊᕙᒃᑐᑦ ᐊᑐᕈᓐᓃᖅᑐᓂᒃ ᖃᕆᓴᐅᔭᐃᑦ ᐊᐅᓚᔾᔪᑎᖏᓐᓂᒃ.

ᖃᕆᓴᐅᔭᑦ ᐊᐅᓚᐅᑎᐊᓗᒋᑦ ᐊᒻᒪ ᐋᖅᑭᒡᓱᖅᓯᒪᓂᖏᑦ

ᖃᐅᔨᓴᐃᖃᑦᑕᖅᑐᑦ ᐊᒻᒪ ᐋᖅᑭᒃᓱᐃᖃᑦᑕᖅᑐᑦ ᐋᖅᑭᒃᓯᒪᓂᕆᓂᐊᖅᑕᖓᓂᒃ ᖃᕆᓴᐅᔭᐃᑦ ᐊᒻᒪ ᐋᖅᑭᒃᓱᖅᓯᒪᓂᖏᑦ ᖁᕝᕙᖅᐸᓪᓕᐊᔪᓐᓇᕐᓗᑎᒃ, ᐊᑦᑕᓇᔾᔭᐃᖅᓯᒪᓗᑎᒃ, ᓱᒃᑲᓗᑎᒡᓗ, ᐃᑲᔪᖅᑐᐃᔪᓐᓇᕐᓗᑎᒃ ᑎᒥᖁᑎᒋᔭᐅᔪᑉ ᐅᓪᓗᒥ ᐊᒻᒪ ᓯᕗᓂᒃᓴᒧᑦ ᐱᓕᕆᐊᒃᓴᕆᔭᖏᓐᓄᑦ.

ᖃᕆᓴᐅᔭᒧᑦ ᐃᓕᐅᖅᑲᐃᓂᖅ

ᐃᑲᔪᖅᓯᓪᓗᑎᒃ ᑕᓯᐅᖅᓯᖃᑦᑕᖅᑐᑦ ᑎᒥᐅᔪᓂᒃ ᐱᖃᓯᐅᔾᔨᒐᓱᐊᓕᕌᖓᑕ ᖃᕆᓴᐅᔭᒧᐊᖅᑕᐅᔪᐃᓐᓇᐅᖁᓪᓗᒋᑦ ᐱᓕᕆᐊᕆᔭᓕᒫᖏᑦ ᓇᖕᒥᓂᕆᔭᖏᑕ ᐊᓯᔾᔨᖅᓯᓪᓗᑎᒃ ᐊᐅᓚᓂᕆᖃᑦᑕᖅᑕᖏᓐᓂᒃ ᐊᒻᒪ ᐱᔨᑦᓯᕐᓂᕆᖃᑦᑕᖅᑕᖏᓐᓂᒃ ᓂᐅᕕᖅᐸᒃᑐᓄᑦ.

ᖃᕆᓴᐅᔭᐃᑦ ᐃᑭᐊᖅᑭᕕᐊᓂᒃ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐸᕐᓇᐅᑏᑦ

ᓴᓇᓗᑎᒃ ᐸᕐᓇᐅᑎᓂᒃ ᓴᐳᒻᒥᐅᓯᕈᑎᒃᓴᖏᓐᓂᒃ ᑎᒥᖁᑎᒋᔭᐅᔪᑉ ᖃᕆᓴᐅᔭᒐᓚᖏᓐᓂᒃ ᐃᓵᖅᑕᐅᖁᓇᒋᑦ. ᑖᓐᓇ ᐱᖃᓯᐅᔾᔨᓯᒪᕗᖅ ᐱᓕᕆᔭᐅᕙᒃᑐᓂᒃ ᐊᑦᑕᕐᓇᕐᓂᖓᓂᒃ ᖃᐅᔨᓴᐃᓪᓗᑎᒃ, ᐊᑐᓕᖅᑎᑦᑎᓪᓗᑎᒡᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ, ᐊᒻᒪ ᐸᕐᓇᐅᑎᓕᐅᖅᑕᐅᓪᓗᑎᒃ ᐃᓵᖅᑕᐅᓐᓂᖅᐸᑕ ᑭᒡᒍᓯᒃᓴᖏᓐᓂᒃ ᐊᒻᒪ ᐅᑎᖅᑎᑦᑎᔾᔪᑎᒃᓴᖏᓐᓂᒃ.

ᖃᕆᓴᐅᔭᒥ ᑐᓴᒐᒃᓴᑦ ᓄᐊᑕᐅᓯᒪᔪᑦ ᒥᐊᓂᕆᔭᐅᓂᖏᑦ ᐊᒻᒪ ᕿᒥᕐᕈᓇᖃᑦᑕᐅᖃᑦᑕᕐᓂᖏᑦ

ᐅᖃᐅᔾᔨᒋᐊᖃᑦᑕᕐᓗᑎᒃ ᐊᐅᓚᑕᐅᔭᕆᐊᖃᖅᑐᑦ ᐱᓪᓗᒋᑦ, ᑐᖅᑯᖅᑕᐅᓯᒪᔭᕆᐊᖃᖅᑐᑦ, ᐊᒻᒪ ᐊᑐᖅᑕᐅᓂᕆᔭᖏᑦ ᖃᕆᓴᐅᔭᒃᑯᑦ ᓄᐊᑕᐅᓯᒪᔪᑦ ᐃᑲᔪᖅᓯᔾᔪᑕᐅᓂᐊᖅᑐᑦ ᐃᓱᒪᓕᐅᕋᓱᐊᖅᑎᓪᓗᒋᑦ. ᑖᒃᑯᐊ ᖃᕆᓴᐅᔭᒃᑯᑦ ᓄᐊᑕᐅᓯᒪᔪᑦ ᑐᓴᒐᒃᓴᑦ ᒪᓕᒐᖏᓐᓂᒃ ᐱᖃᓯᐅᔾᔨᓯᒪᔪᖅ, ᐱᐅᓂᕆᔭᖏᓐᓂᒃ, ᕿᒥᕐᕈᓇᒍᑎᓂᒃ, ᐊᒻᒪ ᐊᑐᕐᓂᕐᒥᒃ ᐊᖏᔫᑎᓂᒃ ᖃᕆᓴᐅᔭᒃᑯᑦ ᑐᓴᒐᒃᓴᓂᒃ ᓄᐊᑦᑎᔾᔪᑎᓂᒃ.