ᐊᒃᓱᕈᕈᑎᖃᖅᑐᑦᐊᖏᖅᓯᒪᑦᑎᐊᖅᑐᑦᐱᓕᕆᔨᒻᒪᕇᑦ

ᑭᓲᖕᒪᑦ ᖃᕆᓴᐅᔭᓕᕆᓂᕐᒧᑦ ᐃᑲᔪᖅᑐᐃᔾᔪᓃᑦ?

ᐱᓕᕆᓪᓗᐊᖅᑕᖅᑕᖓᑦ ᖃᕆᓴᐅᔭᓕᕆᓂᕐᒧᑦ ᐃᑲᔪᖅᑎᐅᑉ ᓯᕗᒧᐊᒃᑎᑦᑎᓗᓂ ᑭᓇᑐᐃᓐᓇᐅᑉ ᐅᕝᕙᓘᓐᓃᑦ ᑎᒥᐅᔪᑉ ᖃᕆᓴᐅᔭᖁᑎᒋᔭᖏᑦ ᐊᐅᓚᑦᑎᐊᖁᓪᓗᒋᑦ ᐊᒻᒪ ᐊᔪᖏᑦᑎᐊᖁᓪᓗᒋᑦ. ᑖᒃᑯᐊ ᓯᕗᓪᓕᖅᐸᐅᓪᓗᑎᒃ ᖃᐃᖅᑯᔭᐅᕙᒃᑐᑦ ᖃᕆᓴᐅᔭᐃᑦ ᐊᐅᓚᐅᑎᖏᑦ ᐃᓱᒫᓗᖕᓇᖅᓯᑎᓪᓗᒋᑦ, ᓂᐱᒃᓴᔭᖏᑦ, ᐃᓚᒃᓴᔭᖏᓪᓗ. ᑐᕌᒐᒃᓴᖓ ᑭᖑᕙᖅᓯᒪᖏᑦᑐᓂᒃ ᐋᖅᑭᒡᓱᐃᖃᑦᑕᖁᓪᓗᒋᑦ ᐊᑐᖅᑎᐅᔪᑦ ᖃᕆᓴᐅᔭᓂᒃ ᓴᓇᔭᕆᐊᖃᖅᑕᖏᓐᓂᒃ ᐱᔭᕇᖅᓯᖃᑦᑕᕈᓐᓇᖁᓪᓗᒋᑦ.

ᑐᙵᕕᒋᔭᖓ ᐊᑑᑎᖃᒻᒪᕆᖕᓂᐊᖅᑐᖅ ᑎᑭᐅᑎᔪᓐᓇᖁᓪᓗᒋᑦ ᑐᙵᕕᖓᑕ ᑐᕌᒐᒃᓴᖏᓐᓄᑦ ᐊᒻᒪᓗ ᐱᔭᕇᖅᓯᔪᓐᓇᖁᓪᓗᒋᑦ ᑕᐅᑐᙳᐊᖅᑕᖏᓐᓂᒃ ᐅᐸᓗᖓᐃᔭᐅᑎᓕᐊᕆᓯᒪᔭᖏᓐᓂ.

ᐊᒃᓱᕈᕈᑎᖃᖅᑐᑦᐊᖏᖅᓯᒪᑦᑎᐊᖅᑐᑦᐱᓕᕆᔨᒻᒪᕇᑦ

ᐱᖃᓯᐅᔾᔨᓯᒪᓗᓂ ᓴᓇᔭᐅᓯᒪᓗᓂᓗ ᑕᖏᖃᑦᑎᐊᖅᑐᒥᒃ ᑐᕕᐅᙵᔪᒥᒃ

ᐃᓗᐃᑦᑑᓈᖅᓯᒪᔪᒃᑯᑦ ᖃᕆᓴᐅᔭᓕᕆᓂᕐᒧᑦ ᐃᑲᔪᖅᑐᐃᓂᕐᒧᑦ ᐱᔨᕈᑏᑦ ᓇᖕᒥᓂᕆᔭᐃᑦ ᐱᑐᒃᓯᒪᐃᓐᓇᖁᓪᓗᒍ ᐊᒻᒪ ᐊᑦᑕᕐᓇᖏᑦᑐᒦᖏᓐᓇᖁᓪᓗᒍ

ᐋᖅᑭᒃᓱᐃᓂᖅ ᖃᕆᓴᐅᔭᒃᑯᑦ ᐊᑲᐅᙱᓕᐅᕈᑎᖃᖅᑎᓪᓗᒋᑦ

ᓇᓗᓇᐃᖅᓯᓂᖅ, ᕿᒥᕐᕈᓇᖕᓂᖅ, ᐊᒻᒪ ᐋᖅᑭᒃᓱᐃᓂᖅ ᐊᑲᐅᙱᓕᐅᕈᑎᖃᖅᑎᓪᓗᒋᑦ ᖃᕆᓴᐅᔭᐅᑉ ᐊᐅᓚᐅᑎᖏᑦ, ᓂᐱᒃᓴᔭᖏᑦ, ᐅᕝᕙᓘᓐᓃᑦ ᐱᑐᒍᑎᖏᓐᓄᑦ ᐊᐅᓚᔾᔪᑎᖏᑦ. ᑖᓐᓇ ᐱᖃᓯᐅᔾᔨᔪᓐᓇᖅᑐᖅ ᐱᔭᕐᓂᖅᑐᓂᒃ ᐃᓯᕈᓐᓇᐅᑎᖓᓄᑦ ᑎᑎᕋᕆᐊᓖᑦ ᐋᖅᑭᒋᐊᖅᑕᐅᓗᑎᒃ ᐊᒻᒪ ᐱᔭᕐᓂᖏᓐᓂᖅᓴᓄᑦ ᐱᓕᕆᐊᖃᖃᑦᑕᕐᒥᔪᑦ ᖃᒥᑦᑐᕕᓂᐅᑎᓪᓗᒍ ᐅᕝᕙᓘᓐᓃᑦ ᐱᑐᒃᓯᒪᐅᑎᖏᑦ ᑲᒥᑦᑐᕕᓂᐅᑎᓪᓗᒋᑦ.

ᐊᑐᖅᑎᐅᔪᑦ ᖃᕆᓴᐅᔭᒥᒃ ᐃᑲᔪᖅᑕᐅᓂᖏᑦ ᐊᒻᒪ ᐃᓕᓴᖅᑕᐅᓂᖏᑦ

ᐊᑐᐃᓐᓇᐅᑎᑦᑎᓪᓗᑎᒃ ᑕᓯᐅᖅᓯᔾᔪᑎᓂᒃ, ᐱᓕᒻᒪᒃᓴᐃᓂᕐᒥᒃ ᐊᒻᒪ ᐃᓕᓴᐃᖃᑦᑕᖅᑐᑦ ᐊᑐᖅᑎᐅᔪᓂᒃ ᖃᓄᖅ ᐊᑐᖅᑕᐅᔪᓐᓇᕐᒪᖔᑕ ᐊᔾᔨᒌᖏᑦᑐᑦ ᖃᕆᓴᐅᔭᑉ ᓂᐱᒃᓴᔭᖏᑦ ᐊᒻᒪ ᐃᓚᒃᓴᔭᖏᑦ. ᑖᓐᓇ ᐱᖃᓯᐅᔾᔨᔪᓐᓇᖅᑐᖅ ᓴᓇᓂᕐᒥᒃ ᐊᒻᒪ ᑲᒪᒋᔭᖃᕐᓂᕐᒥᒃ ᑎᑎᕋᖅᑕᐅᕙᓪᓕᐊᔪᓂᒃ, ᐃᓕᓐᓂᐊᖅᑎᑦᑎᓂᕐᒥᒡᓗ, ᐊᒻᒪ ᐃᑲᔪᕈᑎᓂᒃ ᑐᓂᓯᖃᑦᑕᕐᓂᕐᒥᒃ ᐱᐅᓂᖅᐹᖑᔪᓂᒃ ᐱᐅᓯᐅᔪᓂᒃ.

ᖃᕆᓴᐅᔭᒧᐊᖅᑲᐃᓂᖅ

ᐃᑲᔪᖅᓯᖃᑦᑕᖅᑐᑦ ᑕᓯᐅᖅᑕᐅᓪᓗᑎᒃ ᑎᒥᐅᔪᑦ ᑲᑎᖅᓱᐃᓕᖅᑎᓪᓗᒋᑦ ᖃᕆᓴᐅᔭᖓᓄᐊᕆᐊᖃᖅᑐᓂᒃ ᓇᖕᒥᓂᕆᔭᖏᓐᓂᙵᖅᑐᓂᒃ ᐃᓘᓐᓇᖏᓐᓂᒃ, ᐊᓯᔾᔨᖅᑕᐅᓪᓗᑎᒃ ᐊᐅᓚᓂᕆᕙᒃᑕᖏᑦ ᐊᒻᒪᓗ ᐱᔨᑦᓯᕐᓂᕆᕙᒃᑕᖏᑦ ᐃᓄᖕᓄᑦ ᐱᔨᑦᓯᖅᑕᖏᓐᓄᑦ.

ᐋᖅᑭᒃᓱᐃᓂᖅ ᖃᕆᓴᐅᔭᑉ ᐃᓚᒃᓴᔭᖓᓂᒃ ᐊᒻᒪ ᓂᐱᒃᓴᔭᖏᓐᓂᒃ

ᐃᓕᓯᖃᑦᑕᖅᑐᑦ ᐊᒻᒪᓗ ᐋᖅᑭᒃᓱᐃᓪᓗᑎᒃ ᖃᕆᓴᐅᔭᐅᑉ ᐊᐅᓚᐅᑎᖏᓐᓂᒃ, ᐃᓚᒋᔭᖏᓐᓂᒃ ᓲᕐᓗ ᑎᑎᕋᕈᑎᖏᓐᓂᒃ, ᐊᒻᒪ ᓂᐱᒃᓴᔭᖏᓐᓂᒃ ᐃᓕᐅᖅᑲᐃᖃᑦᑕᖅᑐᑦ ᐊᑐᕆᐊᖃᖅᑕᖏᑦ ᒪᓕᒃᑕᐅᓪᓗᑎᒃ ᖃᕆᓴᐅᔭᖃᖅᑑᑉ ᐅᕝᕙᓘᓐᓃᑦ ᑎᒥᐅᔪᑉ ᐊᑐᕆᐊᖃᖅᑕᖏᑦ ᒪᓕᒃᑕᐅᓪᓗᑎᒃ.

ᐊᑦᑕᕐᓇᔾᔭᐃᖅᓯᒪᓂᖅ

ᐊᑐᓕᖅᑎᑎᓂᖅ ᐊᒻᒪ ᐊᐅᓚᑦᑎᓂᖅ ᐊᑦᑕᕐᓇᔾᔭᐃᖅᓯᒪᔾᔪᑎᓂᒃ ᓴᐳᒻᒥᔭᐅᖁᓪᓗᒍ ᖃᕆᓴᐅᔭᐅᑉ ᐊᐅᓚᐅᑎᖏᑦ ᐊᒻᒪ ᑐᓴᒐᒃᓴᑦ ᓄᐊᓯᒪᔭᖏᑦ ᐃᓵᖅᑕᐅᖁᓇᒋᑦ. ᑖᓐᓇ ᐱᖃᓯᐅᔾᔨᓯᒪᔪᖅ ᐆᒪᔾᔨᔾᔭᐃᒃᑯᑎᖏᑦ ᖃᕆᓴᐅᔭᐅᑉ ᑲᒪᒋᔭᐅᖃᑦᑕᕐᖢᑎᒃ, ᐃᓵᖅᑕᐅᔾᔭᐃᒃᑯᑎᖏᓪᓗᓂ firewall ᐋᖅᑭᒃᓱᖅᑕᐅᓪᓗᓂ, ᐊᒻᒪ ᓇᐅᑦᑎᖅᓱᐊᕆᔭᐅᓪᓗᑎᒃ ᐃᓯᖅᐸᓪᓕᐊᔪᑦ ᖃᕆᓴᐅᔭᖁᑎᒋᔭᐅᔪᒧᑦ.