ᐊᒃᓱᕈᕈᑎᖃᖅᑐᑦᐊᖏᖅᓯᒪᑦᑎᐊᖅᑐᑦᐱᓕᕆᔨᒻᒪᕇᑦ

ᖃᓄᐃᒻᒪᑦ ᖃᕆᓴᐅᔭᐅᑉ ᐊᐅᓚᐅᑎᖏᑦ ᐱᒻᒪᕆᐅᕙᓐ?

ᖃᕆᓴᐅᔭᐅᑉ ᐊᐅᓚᐅᑎᖏᑦ ᐅᖃᐅᓯᖃᖅᐳᑦ ᐃᓚᒃᓴᔭᖏᓐᓂᒃ ᐊᒻᒪ ᓂᐱᒃᓴᔭᖏᓐᓂᒃ ᐊᑐᖅᑕᐅᖃᑦᑕᖅᑐᑦ ᖃᕆᓴᐅᔭᓕᒫᑦ ᐊᒻᒪ ᐱᑐᒍᓐᓇᖅᓯᓗᓂ ᐃᑭᐊᖅᑭᕕᖕᒧᑦ, ᐅᖃᖃᑎᖃᕈᓐᓇᖅᓯᓗᓂ, ᐊᐅᓚᑕᐅᓗᓂ, ᐊᒻᒪ ᒥᐊᓂᕆᔭᐅᓗᓂ. ᑐᓴᐅᒪᖃᑦᑕᐅᑎᓂᕐᒧᑦ ᐊᖅᑯᑎᒋᔭᐅᔪᖅ ᐊᒻᒪ ᐱᔨᑦᓯᕈᑎᒋᔭᐅᕙᒃᑐᑦ ᐊᑐᖅᑎᐅᔪᓄᑦ, ᐱᓕᕆᔾᔪᑕᐅᓪᓗᓂ, ᐊᑐᖅᑕᐅᓂᐊᖅᑐᓄᓪᓗ, ᐱᔨᑦᓯᕈᑎᓄᑦ, ᐊᒻᒪ ᓯᓚᑖᓂᙶᖅᑐᓄᑦ ᐃᑭᐊᖅᑭᕕᐅᔪᓄᑦ ᐱᑐᒍᓐᓇᕐᓗᓂ. ᑖᒃᑯᐊ ᖃᕆᓴᐅᔭᐅᑉ ᐊᐅᓚᐅᑎᖁᑎᖏᑦ ᑎᒥᐅᔪᑉ ᐱᖃᓯᐅᔾᔨᓯᒪᕗᖅ ᖃᕆᓴᐅᔭᐅᑉ ᐃᓚᒃᓴᔭᖏᓐᓂᒃ (ᐅᖓᓯᒃᑐᒨᕈᓐᓇᐅᑎᒥᒃ, ᐃᑭᑦᑕᐅᑎᖏᑦ, ᐊᒻᒪ ᐅᐊᔭᖏᑦ) ᐊᒻᒪ ᓂᐱᒃᓴᔭᖏᑦ (ᓲᕐᓗ ᐱᑐᒍᑎᖏᑦ ᐊᐅᓚᑦᑎᔾᔪᑎᖏᓐᓄᑦ ᖃᕆᓴᐅᔭᐅᑉ, ᓴᐳᒻᒥᐅᓯᖅᓯᒪᔾᔪᑎᖓ ᐃᓵᖅᑕᐅᔾᔭᐃᑯᑏᑦ firewalls, ᐊᒻᒪᓗ ᐊᐅᓚᐅᑎᖏᑦ ᐊᑦᑕᓇᔾᔭᐃᖅᓯᒪᔾᔪᑎᓂᒃ ᐃᓵᖅᑕᐅᔾᔭᐃᒃᑯᓂᒃ ᐃᓕᓯᕕᐅᕙᒃᑐᑦ).

ᐊᑐᖃᑦᑕᖅᑐᑦ ᓄᑖᓂᒃ ᐅᐊᔭᒨᖅᑐᓂᒃ ᐃᓕᓯᐅᖅᑲᐃᓪᓗᑎᒃ ᐱᕚᓪᓕᖅᑎᑕᐅᓪᓗᑎᒃ ᖃᕆᓴᐅᔭᑦ ᐊᓯᔾᔨᖅᑕᐅᓪᓗᑎᒃ ᒪᓕᒃᓴᖅᓯᓪᓗᑎᒃ ᓇᖕᒥᓂᕆᔭᐅᔫᑉ ᐊᐅᓚᓂᖓᓄᑦ, ᐊᑭᑦᑐᕋᐅᑎᖃᑎᖃᓕᖅᐸᒃᑐᑦ, ᐊᒻᒪ ᐱᔨᑦᓯᕈᑎᖃᖃᑦᑕᖅᑐᑦ ᐊᑑᑎᖃᖅᑐᓂᒃ ᑕᒪᒃᑯᓄᖓ ᓂᐅᕕᖅᐸᒃᑐᓄᑦ.

ᐊᒃᓱᕈᕈᑎᖃᖅᑐᑦᐊᖏᖅᓯᒪᑦᑎᐊᖅᑐᑦᐱᓕᕆᔨᒻᒪᕇᑦ

ᓴᙱᒃᑎᑦᓯᒋᐊᖃᑦᑕᖅᑐᑦ ᓇᖕᒥᓂᕆᔭᐅᔪᓂᒃ ᐊᓯᔾᔨᖅᓯᓪᓗᑎᒃ ᐃᓱᒪᒍᔪᒃᑐᓪᓗᑎᒃ ᖃᕆᓴᐅᔭᖏᑦ ᐊᖅᑭᒋᐊᖅᑕᐅᖃᑦᑕᖅᑐᑦ

ᐊᖑᒻᒪᑎᓕᖅᑎᑕᐅᕙᒃᑐᑦ ᐊᓯᔾᔨᖅᐸᓪᓕᐊᔪᓄᑦ ᖃᕆᓴᐅᔭᐅᑉ ᐊᐅᓚᐅᑎᖏᑦ ᐋᖅᑭᒡᓱᖅᑕᐅᓪᓗᑎᒃ

ᓴᓇᔭᐅᓪᓗᓂ ᓲᕐᓗ ᕿᒥᕐᓗᒋᓂᐊᖅᑕᖓ ᓇᖕᒥᓂᕆᔭᕕᑦ ᐊᐅᓚᑦᑎᔾᔪᑎᖏᑦ

ᐃᓕᐅᖅᑲᖅᑕᐅᓪᓗᑎᒃ ᖃᕆᓴᐅᔭᑦ ᐊᒻᒪ ᐋᖅᑭᒃᓱᖅᑕᐅᓪᓗᑎᒃ

ᐅᖃᖃᑎᖃᕈᓐᓇᕐᓗᓂ ᖃᕆᓴᐅᔭᑎᒍᑦ ᐊᒻᒪ ᑕᐅᖅᓰᖃᑎᖃᕈᓐᓇᕐᓗᓂ ᑐᓴᒐᒃᓴᓂᒃ ᓄᐊᑕᐅᔪᓂᒃ ᖃᕆᓴᐅᔭᒃᑯᑦ ᐊᒻᒪ ᐊᓯᖏᓐᓄᑦ ᐱᑐᒍᓐᓇᖅᑐᖁᑎᖏᓐᓄᑦ ᑎᒥᖁᑎᒋᔭᐅᔪᑉ ᐅᕝᕙᓘᓐᓃᑦ ᐊᑕᐅᓯᐅᖏᑦᑐᒧᑦ ᐊᓯᐊᓃᑦᑐᒧᑦ ᖃᕆᓴᐅᔭᒧᑦ ᐱᑐᒍᓐᓇᕐᓗᓂ. ᑕᒪᑐᒧᖓ ᐊᐅᓚᑦᑎᓂᐅᔪᖅ ᐱᖃᓯᐅᔾᔨᓯᒪᕗᖅ ᖃᕆᓴᐅᔭᐅᑉ ᐃᓚᒃᓴᔭᖏᓐᓂᒃ ᐊᒻᒪ ᓂᐱᒃᓴᔭᕆᔭᕆᐊᖃᖅᑕᖏᓐᓂᒃ ᐊᒻᒪ ᐱᖃᓯᐅᔾᔨᓯᒪᕗᖅ ᐃᓕᐅᖅᑲᐃᓂᕐᒥᒃ ᖃᕆᓴᐅᔭᐅᑉ ᐱᑐᒍᑎᖏᓐᓂᒃ ᐅᖓᓯᒃᑐᒨᕈᑎᓂᒃ, ᐃᑭᑦᑕᐅᑎᖏᓐᓂᒃ, ᐃᓯᕐᕕᒋᖃᑦᑕᕐᓂᐊᖅᑕᖓᓄᑦ ᐃᑭᐊᖅᑭᕕᒃᑯᑦ, ᐊᒻᒪ ᐅᐊᔭᓕᖅᓱᐃᓪᓗᑎᒃ, ᐊᒻᒪ ᐃᓕᐅᖅᑲᐃᓪᓗᑎᒃ ᐋᖅᑭᒃᓱᐃᓪᓗᑎᒡᓗ ᖃᕆᓴᐅᔭᐅᑉ ᐊᐅᓚᔾᔪᑎᒃᓴᖏᓐᓂᒃ ᐊᒻᒪ ᐊᑐᕆᐊᖃᖅᑕᖏᓐᓂᒃ ᐃᓕᐅᖅᑲᐃᓪᓗᑎᒃ.

ᐃᓵᖅᑕᐅᔾᔪᐃᒃᑯᓯᖅᓯᒪᔪᑦ ᐊᒻᒪ ᒪᓕᒃᑎᑕᐅᓯᒪᔪᑦ ᒪᓕᒐᕐᓂᒃ

ᖃᕆᓴᐅᔭᐅᑉ ᐊᐅᓚᐅᑎᖏᑦ ᐱᒻᒪᕆᐅᕗᑦ ᐊᑐᓕᖅᑎᑦᑎᔾᔪᑕᐅᕙᒃᑐᑦ ᐊᑦᑕᓇᔾᔭᐃᖅᓯᒪᔾᔪᑎᓂᒃ ᐃᓵᖅᑕᐅᔾᔭᐃᒃᑯᑎᓂᒃ ᓴᐳᒻᒥᒃᓯᕈᑕᐅᓪᓗᑎᒃ ᑎᒥᖁᑎᒋᔭᑉ ᖃᕆᓴᐅᔭᒃᑯᑦ ᓄᐊᓯᒪᔭᖏᓐᓂᒃ ᑐᓴᒐᒃᓴᓂᒃ ᐊᒻᒪ ᐃᓗᓕᕆᔭᖏᓐᓂᒃ ᐃᓵᖅᑕᐅᖁᓇᒋᑦ, ᐊᖏᖅᑕᐅᓯᒪᖏᑦᑐᓄᓪᓗ ᐃᓯᖅᑕᐅᖁᓇᒋᑦ, ᐊᒻᒪᓗ ᖃᕆᓴᐅᔭᑦ ᐱᕋᔭᒃᑕᐅᖁᓇᒋᑦ. ᐃᑲᔪᖅᑐᐃᖃᑦᑕᖅᑐᑦ ᐃᓕᐅᖅᑲᐃᓪᓗᑎᒃ ᐃᓵᖅᑕᐅᔾᔭᐃᒃᑯᑎᒥᒃ firewall-ᓂᒃ ᐊᒻᒪ ᑎᑎᕋᖅᓯᒪᔪᑦ ᑐᑭᓯᓇᕈᓐᓃᖅᑎᓯᒪᓪᓗᑎᒃ, ᐃᓕᓯᖃᑦᑕᕐᒥᔪᑦ ᖃᐅᔨᒃᑲᐃᔾᔪᑎᒥᒃ ᐃᓵᖅᑕᐅᒐᓱᐊᓕᖅᐸᑕ ᖃᕆᓴᐅᔭᖁᑎᖏᑦ, ᐊᒻᒪᓗ ᐊᓯᖏᓐᓂᒃ ᐊᑦᑕᓇᔾᔭᐃᖅᓯᒪᔾᔪᑎᓂᒃ ᐃᓕᓯᖃᑦᑕᖅᑐᑦ ᒪᓕᒐᐅᔪᓂᒃ ᒪᓕᑦᑎᐊᖁᓪᓗᒋᑦ ᖃᕆᓴᐅᔭᑦ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᒪᓕᒐᕐᓂᒃ ᐊᒻᒪ ᐊᑦᑕᓇᔾᔭᐃᖅᑕᐅᓯᒪᓗᑎᒃ ᐃᓵᖅᑕᐅᔾᔭᐃᖅᓯᒪᓗᒋᑦ ᑐᓴᒐᒃᓴᖁᑎᖏᑦ.

ᐸᕐᓇᐃᓂᖅ ᐊᒻᒪ ᓴᓇᓯᒪᓂᖏᓐᓂᒃ ᐋᖅᑭᒃᓱᐃᓂᖅ

ᑐᑭᓯᓯᒪᓂᖅ ᓇᓗᓇᐃᖅᑕᐅᓯᒪᔪᓂᒃ ᑭᓱᓂᒃ ᐱᔭᕆᐊᖃᕐᒪᖔᑦ ᑎᒥᖁᑎᒋᔭᐅᔪᖅ, ᐱᖃᓯᐅᑎᓪᓗᒋᑦ ᐅᓄᕐᓂᕆᔭᖏᑦ ᖃᑦᓯᑦ ᖃᕆᓴᐅᔭᒥᒃ ᐊᑐᖃᑦᑕᕐᒪᖔᑕ, ᖃᓄᐃᑦᑐᓂᒃ ᐊᐅᓚᑦᑎᔾᔪᑎᓂᒃ ᐊᑐᖃᑦᑕᕐᒪᖔᑕ, ᐊᒻᒪ ᖃᓄᑎᒋ ᐊᑦᑕᓇᔾᔭᐃᖅᓯᒪᔭᕆᐊᖃᕐᒪᖔᑕ ᐃᓵᖅᑕᐅᔾᔭᐃᒃᑯᑎᒋᔭᕆᐊᖃᖅᑕᖏᓐᓂᒃ. ᓴᓇᓗᑎᒃ ᐋᖅᑭᒃᓯᒪᓂᕆᓂᐊᖅᑕᖓᓂᒃ ᖃᕆᓴᐅᔭᐅᑉ ᓇᓗᓇᐃᖅᑕᐅᓯᒪᓗᑎᒃ ᐊᐅᓚᐅᑎᖏᑦ, ᐱᖃᓯᐅᑎᓪᓗᒋᑦ ᓇᒧᑦ ᐱᑐᖕᓂᐊᕐᒪᖔᑦ, ᐃᓕᔭᐅᓂᖏᑦ ᐅᐊᔭᒨᖅᑐᓂᒃ ᐊᓯᖏᓐᓄᑦ ᐱᑐᒍᓐᓇᐅᑎᐅᔪᑦ, ᐊᒻᒪ ᖃᕆᓴᐅᔭᐅᑉ ᐊᐅᓚᐅᑎᖓᑕ ᐋᖅᑭᒃᓯᒪᓂᕆᔭᕆᐊᖃᖅᑕᖓᓂᒃ ᐃᓕᓯᓗᑎᒃ ᑎᒥᖁᑎᒋᔭᐅᔪᑉ ᑭᓱᓕᕆᔨᐅᓂᖓᓄᑦ ᐊᑐᕆᐊᖃᖅᑕᖓ ᒪᓕᒃᑕᐅᓗᑎᒃ.

ᖁᕝᕙᖅᐸᓪᓕᐊᔪᓐᓇᕐᓗᓂ ᐊᒻᒪ ᐊᓯᔾᔨᑲᑕᒍᓐᓇᕐᓗᓂ

ᑎᒥᖁᑎᒋᔭᐅᔪᖅ ᐱᕈᖅᐊᓪᓕᐊᑎᓪᓗᒍ ᐊᒻᒪ ᑭᙴᒪᔭᖏᑦ ᐊᓯᔾᔨᖅᐊᓪᓕᐊᑎᓪᓗᒋᑦ, ᖃᕆᓴᐅᔭᐅᑉ ᐊᐅᓚᐅᑎᖓᑕ ᐋᖅᑭᒃᓯᒪᓂᕆᔭᖓ ᖁᕝᕙᖅᐸᓪᓕᐊᑎᑕᐅᔪᓐᓇᖅᐳᖅ ᐊᒻᒪ ᐋᖅᑭᒃᑕᐅᓗᓂ ᐊᖑᒻᒪᑎᔪᓐᓇᖅᓯᓂᐊᕐᒪᑦ ᐊᓯᔾᔨᖅᐸᓪᓕᐊᔪᓄᑦ. ᐊᓯᔾᔨᑲᑕᒍᓐᓇᖅᑐᓄᑦ ᐱᓕᕆᐊᖃᖅᑎᓪᓗᒋᑦ ᐃᑲᔪᖅᓱᐃᕗᖅ ᓄᑖᓂᒃ ᐱᔨᑦᓯᕈᑕᐅᔭᕆᐊᖃᖅᑐᓂᒃ, ᐃᓕᖃᓯᐅᔾᔭᐅᓗᑎᒃ ᓄᑖᑦ ᖃᕆᓴᐅᔭᐅᑉ ᐃᓚᒃᓴᔭᖏᑦ, ᐊᒻᒪ ᐊᖏᓕᒋᐊᖅᑕᐅᓗᓂ ᐃᓂᖃᕈᓐᓇᕐᓂᐊᕐᒪᑕ ᐅᓄᕐᓂᖅᓴᐅᔪᑦ ᐊᑐᖅᑎᐅᔪᑦ ᐊᒻᒪ ᖃᕆᓴᐅᔭᐅᑉ ᑐᓴᒐᒃᓴᖁᑎᖏᓐᓄᑦ ᓄᐊᑕᐅᓯᒪᔪᓄᑦ, ᑕᐃᒪᐃᓕᖓᑎᓪᓗᒍ ᓇᖕᒥᓂᕆᔭᐅᔪᖅ ᐱᕈᖅᐸᓪᓕᐊᔪᓐᓇᕐᓂᐊᕐᒪᑦ ᖃᕆᓴᐅᐅᔭᖁᑎᖏᑕ ᐊᐅᓚᓂᖓᓄᑦ ᐊᒡᕕᐊᕈᑎᖃᖏᓪᓗᑎᒃ.